Kampionë për herë të 14 e menjëherë pas përfundimit të ndeshjes kundër Liverpool, e fituar 1-0 me golin e Vinicius, që rriti rekordin e klubit spanjoll për triumfe në Ligën e Kampionëve/Kupën e Kampionëve në historinë e futbollit, Real Madrid ka shkruar në Tëitter: “Finalet nuk luhen, ato fitohen”.
Një thumbim për Liverpool, por gjatë ndeshjes në fokusin e tifozëve madrilenë ka qenë Kylian Mbappe. Bluzat e francezit me numrin 0, si Champions i fituar nga PSG, janë treguar në Stade de France në Paris nga tifozët e Real Madrid. Refuzimi i sulmuesit francez për të veshur fanellën e Blancos nuk është pritur fare mirë nga merengues.
Real Madrid është kampion i Europës për herë të 14-të në historinë e tij. Në finalen e Parisit, skuadra e Ancelottit mposhti 1-0 Liverpool, falë golit të Vinicius Junior në minutën e 59-të, duke përfituar nga goditja-kros i Valverdes. Braziliani është njeriu i kopertinës i merengues, së bashku me portierin Courtois, i cili me një sërë pritjesh të mrekullueshme fillimisht mbajti gjallë ekipin e tij, më pas mbrojti epërsinë deri në fishkëllimën e trefishtë. Ancelotti futet kështu në legjendë: askush nuk e ka fituar trofeun më parë 4 herë.
https://player.crazyvidup.com/embed/FStcsrpcPkWgQ?autoplay=1&htmlplayer=1
E janë katërmbëdhjetë për Real Madrid. Katërmbëdhjetë Champions League, e është mbresëlënëse edhe vetëm ta shkruash dicka të tillë. Carlo Ancelotti është përsëri mbreti i Parisit, si në ditët e PSG-së … por mbretërimi i tij, nga sonte, është i një madhështie të pashkelur nga askush, verbuese: katër herë në çatinë e Evropës, askush nuk ia kishte dalë kurrë. Liverpool përtypet sërish hidhur, katër vite pas finales së humbur në Kiev kundër Blancos: këtë herë nuk është portieri i Reds (Karius) ai që ishte vendimtar në negativ, por është ai i Madrid (Courtois) që bëhet mur ndaj të gjitha sulmeve të skuadrës së Klopp. Monumentale pritja e fundit ndaj Salah, po aq sa festa e Vinicius në minutën e 59: Përfundoi 1-0, në Saint-Denis. Firma është ajo e brazilianit, që e bën Casa Blanca sërish padrone të Europës dhe lë Anglinë pa trofe europianë.
