Finalja e Kupës së Botës 2022 do të jetë Argjentinë-Francë, e planifikuar për të dielën në orën 16. Les Bleus mposhtën Marokun 2-0 në një gjysmëfinale të nxehtë dhe të vështirë. Franca zhbllokoi ndeshjen pas vetëm 5′ nga blici i Theo Hernandez.
Djemtë e Regraguit dhanë gjithçka, herë-herë dominuan edhe për sa i përket zotërimit të topit, por pa gjetur asnjëherë goditjen e duhur. Kështu, 15 minuta nga fundi, afrikanët u ndëshkuan nga devijimi pranë portës i Kolo Muani, në prekjen e parë të topit. Zëvendësuesi i Dembele vulosi rezultatin në favor të skuadrës së Deschamps. Hakimi dhe shokët e tij do të luajnë tashmë finalen për vendin 3-4 të shtunën kundër Kroacisë.
Kështu, Franca fluturon për të luajtur finalen e dytë radhazi botërore pas asaj triumfuese në Rusi 2018. E bën këtë në fundin e një ndeshjeje të shkëlqyer për nga intensiteti dhe tensioni. Të besuarit e Deschamps u detyrua t’i nënshtrohet një presioni të madh. Natyrisht edhe vuajtën për një kohë të gjatë, për shkak të një performance të pabesueshme të Marokut.
Les Bleus nxorrën në pah gjithë cinizmin e tyre, duke treguar gjithashtu qëndrueshmëri të shkëlqyer mbrojtëse. Në këtë mënyrë francezët i dhanë vetes një sfidë yjore në aktin e fundit. Messi kundër Mbappe, ndoshta dueli më i pritur nga të gjithë, që nuk mund të mos bëjë të buzëqeshin qeverinë e Katarit dhe drejtuesit e PSG-së.
