Granada e Myrto Uzunit ka arritur që të ndalë Barcelonën në një barazim 2-2. Vendësit kaluan në epërsi të dyfishtë falë dygolëshit të Zaragozas, por Barcelona mundi të barazonte në pjesën e dytë falë finalizimeve të Yamal dhe Sergi Robertos.
Topin e parë e shkelmuan vendësit dhe pa u mbyllur sekonda e 17-të Zaragoza shtang Ter Stegenin. “Blaugranat” pësuan edhe golin e dytë, nga i njëjti autor, Zaragoza, që arrin të bëjë gjithçka në mbrojtjen e Barçës.
Barcelona arrin të reagojë më në fund në fundin e pjesës së parë me Yamal, të cilit i del me fat topi përpara syve thjesht për ta shtyrë drejt rrjetës, 2-1. Talenti i Barçës shënon rekord si golashënuesi më i ri në historinë e La Ligas. Sergio Roberto barazon rezultatin 4 minuta para fundit të kohës së rregullt.
Felix realizon në shtesë, por goli anulohet për pozicion jashtë lojë të Ferran Torresit si pjesëmarrës në aksion.
