Janë hapur para pak çastesh 4 kutitë e para, nga 36 gjithsej, të zgjedhjeve që u mbajtën të dielën për kreun e bashkisë së Himarës.
Nga të dhënat paraprake të dy kutive të numëruara rezulton se kandidati socialist Vangjel Tavo ka marrë 231 vota ndërsa rivali i tij nga opozita Petro Gjikuria numëron 139 vota.
KQZ bën të ditur se trajnoi 8 grupe numërimi, nga të cilat kanë nisur punën vetëm 4 prej tyre dhe më pas do të zëvendësohen nga 4 grupet tjera. Të pranishëm në sallë janë përfaqësues nga të gjitha partitë politike.
Pjesëmarrja në zgjedhje ishte 37.61%. Kjo ishte një pjesëmarrje më e lartë se zgjedhjet e 14 majit 2023 edhe pse mbi 6 mijë perisna nuk mundën të votonin për shkak të skadimit të kartave të identitetit.
