Nga Azgan Haklaj – Impresione nga djepi i profetëve!
Muri i Lotëve simbol i tre besimeve fetare.
Kujtesë:
Në muajn korrik të vitit 2002 në Izrael, në festivalin e dansit botëror Ansambli Dardania i Malësisë së Dardanisë apo Malësisë së Gjakovës përfaqësoj denjësisht Shqipërinë mes 40-të ansambleve botërore.
Sigurisht u shpallëm më të mirët.
Megjithëse populli i Malësisë së Gjakovës më kishte votëbesuar në mënyrë plebishitare si deputet i Parlamentit të Shqipërisë duke më çliruar nga prangat politike nga qelitë e llir Metajt (Metës), interpretova edhe vetë në skenën e festivalit ku ngadhënjyem me trofe.
Pas festivalit u vlerësuam nga Presidenti i Izraelit i cili është në krahun tim të majtë kurse në krahun e djathtë është ambasadori i Shqipërisë në Izrael Bashkim Dino.
Presidenti Musha Kacaf na rezervoi një pritje të ngrohtë dhe shumë miqësore në zyrën e tij.
Kujtime të bukura kemi nga Tel Avivi Jeruzalemi, Betlehemi etj.
Shumë impresionante ishte vizita tek Muri i Lotëve, Xhamia El Aksa, varri i Krishtit.
Muri i Lotëve ose muri perëndimor është muri rrethues i Tempullit të Parë të Jeruzalemit.
Tempulli i Parë u ndërtua nga Solomoni në shekullin e X-të para Krishtit.
Ai është emrues i përbashkët i besimit tek Zoti.
Ai është vendi i shenjtë i tre besimeve fetare Judaizmit, Krishtërimit, Myslimanizmit.
Hebrejtë e shohin si simbol i premtimit te Zoti.
Tek të krishterët shihet si besëlidhje e vjetër me Zotim, ndërsa myslimanët e mbajnë Solomonin mbretin e parë të Izraelit si profetin e tyre.
