Shifrat nga Këshilli Botëror i Udhëtimit dhe Turizmit kanë zbuluar se cilat ekonomi evropiane kanë qenë më të varura nga turizmi para pandemisë dhe cilat janë ende.
E gjitha bazohet në Produktin e Brendshëm Bruto (GDP), një masë e vlerës totale të mallrave dhe shërbimeve të prodhuara në çdo vend gjatë një viti.
Në Malin e Zi, industria e udhëtimit përbënte gati një të tretën e PBB-së së vendit në vitin 2019. Dhe ra në pak më shumë se shtatë për qind në vitin 2020.
Megjithatë, që atëherë është rikthyer në 25.5 për qind.
Vendet, që kur kufizimet pandemike u lehtësuan, janë përpjekur të tërheqin turistët sërish.
Për vendet që mbështeten tek udhëtarët që shpenzojnë shumë, kjo detyrë nuk mund të jetë më urgjente.
Në vitin 2019, mbështetja e Malit të Zi në turizëm u ndoq nga afër nga ajo e Kroacisë.
Vendi bregdetar ballkanik varej nga turizmi për gati një të katërtën e PBB-së së tij. Në vitin 2021, kjo shifër ishte zvogëluar në 16.1 për qind.
Kurse para pandemisë, turizmi përbënte më shumë se një të pestën e PBB-së në Greqi, Islandë dhe Shqipëri. Në secilin prej këtyre vendeve, tani përbën më pak se një të gjashtën.
Por shumë vende thuajse nuk u mbështetën fare në turizëm në vitin 2019. Këto vende kanë dështuar kryesisht në tërheqjen e vizitorëve që kur kufizimet kufitare filluan të lehtësohen.
Irlanda, në vitin 2019, mori 4.2 për qind të PBB-së së saj nga industria e udhëtimeve, e ndjekur nga Polonia dhe Rusia.
Shifrat e vitit 2021 tregojnë se këto përqindje po tkurren edhe më shumë. Në Irlandë, turizmi përbënte vetëm 1.2 për qind të ekonomisë totale dhe në Poloni më pak se tre për qind.
Turizmi në Rusi përbënte 3.7 për qind të PBB-së në vitin 2021. Por këto shifra ka të ngjarë të bien më tej këtë vit.
Në të gjithë pjesën tjetër të kontinentit, turizmi do të rritet këtë vit, me shumë vende që përjetojnë një rritje të madhe të vizitorëve.
Vendet më të njohura të Evropës tërheqin miliona turistë çdo vit.
Franca është vendi më popullor i Evropës. Ajo priti 90 milionë vizitorë në vit para pandemisë. Mali i Zi, nga ana tjetër, mori pak më shumë se 2.5 milionë.
Turistët dynden në Francë për qytetet e saj kulturore, peizazhet e bukura dhe ushqimin e shkëlqyer.
Spanja priti më shumë se 80 milionë vizitorë në vitin 2019. Megjithatë, turizmi përbënte vetëm 14,5 për qind të PBB-së.
Kështu që, për të rimëkëmbur industrinë e udhëtimit në Evropë, duhet të mendohet një pushim në Mal të Zi.
Vendi mund të jetë i vogël, por nuk mungojnë gjërat për të bërë dhe parë. Nga malet e larta dhe qytetet mesjetare.
Me 295 kilometra vijë bregdetare, Mali i Zi krenohet me qindra plazhe të bukura. Shpesh aty mbahen ngjarje muzikore.
Mund të vizitohet qyteti i vjetër i Kotorrit, i cili është një vend i mbrojtur i Trashëgimisë Botërore të UNESCO-s me dy mijëvjeçarë histori.
Nuk mund të harrohet as Parku Kombëtar Lovcen, shtëpia e më shumë se 1 mijë e 300 specieve bimore./“Euronews”
