Tuesday, February 27, 2024
spot_imgspot_imgspot_imgspot_img
HomeKRYESORE“Kupa po derdhet”, Berisha mbledh strukturat e PD. Ja debatet e mbyllura...

“Kupa po derdhet”, Berisha mbledh strukturat e PD. Ja debatet e mbyllura në grupin e PD-së

Sali Berisha, në një takim me strukturat e tij në qarkun e Tiranës ka deklaruar se sot opozita është de facto jashtë Parlamentit, duke bërë përgjegjës për këtë kreun e qeverisë, Edi Rama.

Berisha deklaroi se në këtë pikë ‘kupa po derdhet’ dhe se tani nis një betejë e re kundër qeverisë. Ai tha se qendra do të nisë ditën e enjte në Parlament, “për të mos e ndalur më”.

“Thirra këtë takim pasi PD dhe opozita hynë në një fazë të re, në një betejë të re e cila imponohet nga kushtet dhe rrethanat që nuk kanë ekzistuar ndonjëherë për opozitën në 30 vite.

Opozita, PD, kaloi në këto dy vitet e fundit një nga periudhat më të vështira të ekzistencës së saj dhe të një force politike, ndonëse ajo mbart në vete sot të gjitha transformimet e mëdha të Shqipërisë, në dekada.

Ajo dhe mbështetësit e saj përballen me një represion të gjithanshëm të të drejtave të tyre ligjore, me një agresion të vërtetë nga qeveria, që synon dhe ka synuar mosasgjesimin e saj tërësisht, shndërrimin e saj në një forcë politike pa vlerë apo një fasadë të saj.

Por ka një moment e cila në gjuhën e thjeshtë të popullit thuhet ‘kupa po derdhet’. Pas mbijetesës sonë në këto dy vite, pas dhunimit masiv të zgjedhjeve, Rama me një seri vendimesh de facto politikisht bën të paqenë opozitën në parlament. Pra ne si përfaqësues të atyre 600 mijë qytetarëve që më 14 maj votuan kundër qeverisë, ne de facto në Parlament shkojmë sot si kurrë në historinë e Parlamentit, në rrafshin politik të paqenë. Hynë në parlament pasi nuk i lejohet më asnjë komision Parlamentar, e drejtë kushtetuese e opozitës.

Pas komisionit parlamentar të djegësave, kemi dërguar 4 kërkesa për komisione të tjera, që të gjitha në mënyrë antikushtetuese janë bllokuar.

Qëndrimet ndaj opozitës në Parlament kanë arritur në atë shkallë që çdo kërkesë për transparencë ndaj ministrave për t’u paraqitur në komisione dhe dhënë llogari për çka ndodh që të gjitha marrin një refuzim banditësh dhe dërgohen përfaqësuese që s’kanë asnjë tagër. Deputetët tanë nuk përfillen por shpërfillen ndaj çdo gjëje. Procesi i bashkimit të deputetëve u përball me një ndërhyrje brutale nga na e qeverisë.

Këto qëndrime janë shoqëruar nga përjashtimi i opozitës në përgjithësi nga çdo lloj përfaqësimi dhe përfaqësimi i qeverisë nga pseudo pozitë dhe përfaqësues të vetë.

Në këtë proces qëndrimet armiqësore ndaj opozitës kulmuan me vendimin e Ramës për t’i caktuar opozitës bashkëkryetarin e saj në Komisionin Zgjedhor të vendit, Parlamentarit. Gjë që nuk ka ndodhur kurrë në 30 vite demokraci. Vendosën që bashkëkryetari ynë në komision të jetë Oerd Bylykbashi. Me një eksperiencë të gjatë në këtë komision dhe OSBE, kurrë ndonjëherë nuk ka ndodhur që bashkëkryetarin as pozita e as opozita t’i caktojë.. Pas kësaj Parlamenti me urdhër të Ramës voto në vend të Bylykbashit, Alibeajn”, tha Berisha.

DISKUTIMET

Gazmend BardhiDo të duhet të kemi një qëndrim. Mazhoranca po na bllokon çdo hapësirë institucionale. Kanë asgjësuar parlamentarzimin. Opozita nuk duhet të lejojë që të zhvillohet aktivitet normal parlamentar, përderisa mazhoranca do të vazhdoje të rrezojë kërkesat e opozitës për komisionet hetimore parlamentare, apo mospranimin e ndryshimit te anëtareve të komisionit te posaçëm te reformës zgjedhore. Kjo që po ndodh aktualisht s’ka ndodh kurrë me opozitën. Është asgjësuar çdo hapësirë. Praktikisht na kanë venë në kushtet kur ata vendosin gjithçka për ne. Do duhet te kemi një qëndrim të prerë. Unë pres nga ju propozime dhe duhet të dalim me një vendim se çfarë duhet të bëjmë.

Sali BerishaMendoj se ne duhet të bëjmë një letër, edhe publike, dhe tua shpërndajmë kancelarive, ndërkombëtare dhe t’i vëmë në dijeni se çfarë po ndodh në parlamentin shqiptar, së çfarë po ndodh me opozitën. Më pas duhet te mbledhim partitë aleate, ku mund te diskutojmë për situatën në fjalë dhe hapi i fundit është përplasja, në mënyrë që të mos lejojmë zhvillimin normal të seancave parlamentare, por t’i bllokojmë ato.

Bledjon NallbatiËshtë e vërtetë që jemi në një situatë kritike ku qeveria po tenton të na asgjësojë. Unë mendoj që nuk është ky momenti qe tu kërkojmë njerëzve të bëjnë betejë, por na takon ne ta bëjmë betejën pasi ne jemi ata që jemi votuar për këtë punë. Ne duhet të marrim një vendim me veten dhe me njeri-tjetrin ose të reagojmë me të gjitha mënyrat për të mbrojtur opozitarizmin dhe interesin e qytetareve ose t’u kërkojmë falje shqiptareve dhe t’i hapim rrugën dikujt tjetër qe e merr përsipër ta bëjë këtë beteje.

Bujar LeskajDuhet të thellojmë aksionin opozitar. Situata jonë është e vështirë. Kjo do te thotë se duhet te reagojmë sa ç’duhet. Duhet të marrim hap pas hapi të gjitha mundësitë e reagimit, duke shkuar edhe deri në ekstrem, në grevë urie, siç ka bërë Pjeter Arbnori në vitin 1997.

Sali BerishaMendoj që bojkoti nuk është opsion si mekanizëm për t’u përdorur nga ana jonë, pra bojkoti i parlamentit. Nuk do të përdorim ato praktika që janë përdorur më parë, (I referohet djegies së mandateve, braktisja e zgjedhjeve) por do të përdorim çdo mjet demokratik që askush të mos marrë nëpër këmbë opozitën, siç ndodhi në seancën e fundit parlamentare.

Helidon Bushati: Mendoj se duhet te bëhemi interesant politikisht, se ka humbur interesin i medias dhe publikut, ka humbur pak interesi tek aksionet tona politike. Unë besoj doktor se ne nuk duhet ta përjashtojmë edhe bojkotin, jo një bojkot pafund, po një bojkot me një kohe të caktuar dhe që ka qëllime të qarta politike. Nuk duhet te kemi kompleks bojkotin. Nuk duhet të jetë instrumenti i parë, por pasi të ezaurojmë instrumentet e tjerë, pse jo edhe bojkot. Mund të jetë 1 javë, 2 javë, e përcaktojmë, por do te jetë bojkot që qytetaret shqiptarë ta kuptojnë kush është opozita e vërtetë. Dhe po dolëm ne nga parlament aty do të mbesin disa deputete. (I referohet Bashës dhe deputeteve mbështetës te tij)

Sali BerishaJam duke të ndjekur me vëmendje Bushat.

Helidon BushatiDuhet ta nisim me shkallë, aksionin tonë. Nuk duhet te shkojmë direkt në veprime ekstreme. Duhet ta nisim me këtë që kemi nisur nëpër komisione, të kundërshtojmë dhe reagojmë. Pra duhet te shkojmë në ngritje. Nqs ata nuk reflektojnë, jam patjetër, sikundër tha Leskaj, se më nxiti, jo me inspiroi, thjesht nxitje, mund të shkojmë edhe tek greva e urisë. Pra nuk bie dakord me Doktorin, që thotë që jam absolutisht kundër bojkotit. Pra ne të mos e kemi qellim në vetvete bojkotin, të mos e kemi të gjatë, por si akt mund ta bëjmë. Pra ky akt tregon se kush është edhe opozita e vërtetë.

Xhelal MziuKa dhjetë vite që qeveria dhe Parlamenti luajnë rolin presionit ndaj opozitës, denigrimit, përçarjes dhe zhbërjes nëpërmjet përdorimit të pushtetit e fondeve të pista. Në këtë koncept duhet një strategji gjithëpërfshirëse dhe sensibilizimin për opinionin publik. Po mire e bllokuam ne parlamentin, a zgjidhim gjë? Nuk mjafton. Ne merremi me një gjë dhe leme ne krahun tjetër 10 gjera dhe s’merremi fare, duhet një ndërhyrje totale dhe radikale. Ok e bllokojmë parlamentin, fusin ata te PS ne rend dite, miratimin e Komisionit të Posaçëm të Reformës Zgjedhore dhe çfarë fitojmë ne me këtë? Pra duhet te kemi një strategji me afatgjate, ku të përfshihet çdo veprim, të përfshihet çdo spektër, të përfshihen fasho të ndryshme brenda dhe jashtë vendit, intelektual, persona publik, etj.

Tritan ShehuNe duhet ta fillojmë duke bërë hapa konkret sa i përket bashkimit të opozitës. Duhet të na ktheni të gjithëve në grupin parlamentar të PD-së. Mesa kam parë Oerdi është rehabilituar tashme. Mendoj se duhet edhe qe takimet e radhës t’i mbajmë në selinë e Partisë Demokratike.

Sali BerishaTritan, ne na ka rene zjarri në shtëpi. Jam dakord me shqetësimin që ngrihet, por ne duhet të merremi me zjarrin që na ka rënë në shtëpi, pasi mendoj se në këtë situate që është opozita sot nuk ka qene kurrë, madje as ne 97-en.

Agron DukaSecili nga ne është i aftë të drejtojë, por këtu kemi ardhur për të dëgjuar çdo të bëjmë. Prezenca jonë shpreh dakordësi, por secili nga ne mendon se jep rrugëzgjidhje, ndërkohë që kjo krijon kakofoni dhe nuk ka produkt, pavarësisht se unë nuk jam dakord me shumë gjëra që thuhen këtu, por kam ardhur të dëgjoj axhendën e opozitës e ta zbatoj atë.

Fatmir Mediu: Për të mos u gjendur në të njëjtën situatë që u gjendëm në 14 maj, përderisa ligjërisht ende nuk është e qartë se kujt i takon logo e PD, unë mendoj se duhet të krijohet një koalicion opozitar, që të këtë emrin e tij, logon e tij, në mënyrë që të jetë ky koalicion që ta përgatisë veten në betejat e ardhshme parlamentare. Duhet të instucinalizohemi, duhet të ndërtojmë marrëdhëniet me ndërkombëtarët. Pasi qëllon që vjen një ndërkombëtar në Tiranë dhe nuk di kë të takojë. Kështu ne duke krijuar ketë koalicion mbarëopozitar, jemi më të qartë dhe më të identifikuar nga qytetarët. Marrëdhënia me ndërkombëtarët nuk duhet parë individualisht, por si opozitë në Tiranë, në delegacion, Parlament apo dhe partitë si motra. Jo si privilegj personal, por përgjegjësi opozitare. Ideja e koalicionit është për të krijuar një brand opozitar sepse praktika ka treguar se ne kemi dalë në koalicion. Po ashtu të dalim nëpër rrethe duke krijuar hapësirë për deputetë dhe figura të reja të flasin me njerëzit. /Marrë nga BalkanWeb

POSTIME TË NGJASHME

LEAVE A REPLY

Please enter your comment!
Please enter your name here

- Advertisment -

NJOFTIME TË NDRYSHME

MË SHUMË LAJME