Në vargun e dasmave vip, edhe ish-ambasadori i Bashkimit Evropian në Shqipëri, Luigi Soreca i ka dhënë fund beqarisë. Në rrjetet e tij sociale, ai vetë ka publikuar pamjet nga ceremonia e martesës së tij, por nuk e ka bërë me dije identitetin e bashkëshortes së tij.
Por edhe pse ka disa vite që nuk është më në detyrë në Shqipëri, duket se nuk e ka harruar vendin tonë, pasi në dasmë kanë përdorur jelekët e kostumeve popullore shqiptare.
Pas largimit nga Shqipëria, Soreca ka marrë një pozicion të ri të në Shërbimin Evropian të Veprimit të Jashtëm (EEAS) duke i emëruar nga përfaqësuesi i lartë zëvendës presidenti i Komisionit Evropian Josep Borrell si i dërguari i tij i Posaçëm për Migracionin e Jashtëm, me gradën ambasador.
