Ministri i Brendshëm Taulant Balla, u ka bërë thirrje drejtuesve të automjeteve të shmangin lëvizjet e panevojshme dhe të respektojnë rregullat e qarkullimit, pas përkeqësimit të motit në vend.
Balla bën me dije se efektivë të Policisë së Shtetit ndodhen të terren për të siguruar kthimin në normalitet.
“Grupet e punës janë në gatishmëri për të garantuar që akset rrugore të jenë të hapura si dhe për të siguruar furnizim me energji elektrike”, thotë Balla.
Reagimi i Taulant Ballës
Pas përkeqësimit të motit, Policia e Shtetit dhe të gjitha strukturat shtetërore janë terren për të siguruar kthimin në normalitet.
Grupet e punës janë në gatishmëri për të garantuar që akset rrugore të jenë të hapura si dhe për të siguruar furnizim me energji elektrike. Drejtuesit e automjeteve të evitojnë lëvizjet e panevojshme dhe të respektojnë me përpikmëri rregullat e qarkullimit rrugor.
