Saturday, February 24, 2024
spot_imgspot_imgspot_imgspot_img
HomeSHËNDETNën 40 vjeç jo më shumë se një gotë birrë në ditë

Nën 40 vjeç jo më shumë se një gotë birrë në ditë

Sasia e alkoolit që mund të shkaktojë rreziqe për shëndetin te njerëzit nën moshën 40 vjeçare mund të jetë dukshëm më e lartë se sa mendohej më parë. Kufiri i sigurt ditor për meshkujt e rinj është vetëm një gotë e vogël birrë prej 38 ml në ditë – tregon një studim i ri.

Studiuesit e Global Burden of Diseases në Universitetin e Uashingtonit zbuluan se pirja e alkoolit nuk sjell ndonjë përfitim shëndetësor për njerëzit e moshës 15 deri në 39 vjeç, përkundrazi përbën një rrezik të konsiderueshëm për ta.

Femrat e moshës 39 vjeç e poshtë mund të pinë pak më shumë se burrat – dy lugë verë ose 100 ml birrë. Për moshën mbi 65 vjeçare, rreziqet e “humbjes së shëndetit të lidhur me alkoolin” arrihen vetëm pas pirjes së më shumë se katër gotave standarde.

Studiuesit po bëjnë thirrje për udhëzime më të forta për të paralajmëruar të rinjtë në lidhje me rreziqet shëndetësore të pirjes dhe thonë se duhet të ketë udhëzime të përshtatura për alkoolin bazuar në moshën e një personi dhe vendin ku ata jetojnë në botë.

Rreth 1.34 miliard njerëz kanë konsumuar sasi të dëmshme alkooli në vitin 2020, sipas një analize të shprehive të pirjes në 204 vende të botës.

Studimi tregoi se 59 për qind e atyre që pinin sasi të dëmshme ishin midis moshës 15 dhe 39 vjeç, dhe tre të katërtat e konsumatorëve të dëmshëm ishin meshkuj.

POSTIME TË NGJASHME

LEAVE A REPLY

Please enter your comment!
Please enter your name here

- Advertisment -

NJOFTIME TË NDRYSHME

MË SHUMË LAJME