Nusret Gökçe me origjinë nga Turqia, fitoi famë brenda natës, kur një video e tij duke erëzuar në mënyrë madhështore një copë biftek u bë virale në internet. Që prej atij momenti në 2017, sot 39-vjeçari është bërë më i njohur me pseudonimin e tij në internet “Salt Bae” dhe ka hapur mbi 22 restorante në të gjithë SHBA-në, Britaninë e Madhe, Greqi dhe Dubai.
Nusret pohon se e la shkollën në moshën 12-vjeçare dhe filloi të punonte si kasap për të ndihmuar babanë me financat e familjes. Ndërsa punonte në shtëpitë e biftekëve turq, kuzhinieri aspirues duhej të ngjitej nga fundi dhe përgjegjësitë e tij thuhet se përfshinin larjen e enëve. Pasi kreu shërbimin e tij ushtarak në moshën 20-vjeçare, Nusret arriti të bindë një bankë që t’i jepte hua 2500 £ për të vizituar Argjentinën për të mësuar më shumë rreth industrisë së mishit.
Kur ishte 27 vjeç, ai hapi restorantin e tij të parë në Stamboll dhe pretendon se ka fituar 4500 £ në ditën e parë. Me ndihmën e biznesmenit turk Ferit Sahenk, Nusret vazhdoi të hapte degë në Ankara, Dubai dhe Doha. Ai gjithmonë e kishte zemrën të vendosur që një ditë të pushtonte Amerikën. Edhe pse kishte bërë emër në biznesin e restoranteve, jeta e Nesrutit ndryshoi brenda natës në vitin 2017, kur ai ndau një video të tij duke përgatitur një biftek osman në stilin e tij në Instagram.
Vitin e kaluar, ylli u kritikua nga fansat kur ndau një video të ribashkimit të tij emocional me nënën e tij pas dy vitesh diferencë. Ai ka mbledhur më shumë se 4 milionë shikime në vetëm 15 orë, dhe mijëra komente, pozitive dhe negative, me shumë që sugjerojnë se ylli duhet të shpenzojë disa nga milionat e tij për një shtëpi të re për nënën e tij.
