Arlind Lagji drejtor i Doganës në Fier, është pezulluar nga detyra me urdhër të Drejtorisë së Përgjithshme të Doganave.
Ky vendim vjen pas denoncimit të qytetarit Algert Belulaj, i cili ka deklaruar se Lagji e ka dhunuar dhe kërcënuar me jetë.
Belulaj bëri me dije se konfliktet me drejtorin e Doganës filluan pasi mësoi se ai dhe bashkëshortja e tij kishin një lidhje jashtëmartesore.
SYRI p[ublikoi audion e plotë ku titullari i institucionit kërcënon qytetarin se do ta bëjë copë –copë dhe më pas i përmend emra grupesh kriminale dhe personash që mund ta eleminojnë.
Arlind Lagji i thotë qytetarit Algert Belulaj se është nipi i Orik Shytit të ‘Hakmarrjes për Drejtësi’, djali i motrës së tij, duke e kanosur se ata persona mund ta zhdukin.
Kërcënimet e marra për jetën dhe mungesa e drejtesisë, ka bërë që shtetasi Algert Belulaj t’i drejtohet medias për të denoncuar Drejtorin e Doganës Fier, Arlind Lagji.
Mësohet se ky i fundit është pezulluar deri në përfundim të hetimeve dhe marrjen e një vendimi përfundimtar nga Drejtoria e Përgjithshme e Doganave.
