Tuesday, May 28, 2024
spot_imgspot_imgspot_imgspot_img
HomeSPORTRashica është i lumtur te Galatasaray

Rashica është i lumtur te Galatasaray

Milot Rashica, i cili erdhi në formë huazimi në Galatasaray nga Norwich në ditët e fundit të merkatos së verës, arriti të fitojë në një kohë të shkurtër vlerësimin si nga klubi, ashtu edhe nga tifozët.

Futbollisti kosovar, i cili thuajse rilindi pas aventurës së tij në Angli, u bë njëri nga futbollistët e preferuar nga tifozët e Galatasarayt. 

Rashica duket shumë i kënaqur me Galatasarayn, transmeton Gazeta Express.

Ai tha se dëshiron qëndrimin në klubin e madh turk.

“Jam shumë i lumtur këtu. Jemi të fokusuar në kampionat dhe dua të kontribuoj për ekipin tim në nivelin më të lartë. Prioriteti im është të qëndroj në Galatasaray. Nuk dua të vlerësoj ofertat e tjera për momentin”, tha 26-vjeçari për median turke, Fanatik.

Drejtuesit verdhekuq po tentojnë të blejnë kartonin e Rashicës pa pritur përfundimin e sezonit. 

Mësohet se shuma që duhet të paguajnë për shërbimet e yllit kosovar është rreth 5 milionë euro.

Rashica ka gjashtë gola e pesë asistime në 26 paraqitje këtë edicion me Galatasarayn.

POSTIME TË NGJASHME

LEAVE A REPLY

Please enter your comment!
Please enter your name here

- Advertisment -

NJOFTIME TË NDRYSHME

MË SHUMË LAJME