Rrumbullaku: Asnjë efektiv policie nuk ka deklaruar në formular se ka përdorur Sky ECC apo EncroChat

Pak kohë më parë, Ministria e Brendshme lëshoi një formular për të gjithë punonjësit e Policisë së Shtetit nëse kanë përdorur aplikacionet e përdorura nga grupet kriminale, Sky ECC apo EncroChat.

Në takimin e përvitshëm me gazetarët, drejtuesi i Policisë së Shtetit, Muhamet Rrumbullaku, teksa foli për punën e policisë në 2023, u ndalua edhe te vetëpastrimi i policisë, duke theksuar se gjatë plotësimit të formularëve, asnjë nga punonjësit e Policisë nuk ka pranuar që ka patur Sky ECC apo EncroChat.