Partia konservatore greke Demokracia e Re ka fituar bindshëm një mandat tjetër katërvjeçar në zgjedhjet e mbajtura të dielën, tregojnë rezultatet zyrtare.
Ndërsa janë numëruar 90% e votave, partia e Kryeministrit Kyriakos Mitsotakis e qendrës së djathtë ka marrë mbi 40 për qind të votave, sipas të dhënave të ministrisë së brendshme.
Me 90% të votave të numëruara, zoti Mitsotakis ka gjasa të marrë 157 ose 158 vende në parlamentin prej 300 anëtarësh, sipas të dhënave zyrtare.
Zgjedhjet e së dielës u zhvilluan nën hijen e mbytjes së një anijeje emigrantësh me 14 qershor në jug të Greqisë, në të cilën qindra njerëz dyshohet se kanë humbur jetën. Një nga fatkeqësitë më të rënda ndër vite, ka nxjerrë në pah ndarjet e thella politike mbi migracionin.
Partia Demokracia e Re e zotit Mitsotakis fitoi zgjedhjet e 21 majit përballë partisë së majtë Syriza që qeverisi Greqinë nga viti 2015 deri në vitin 2019. Por ajo nuk mori votat e duhura për të qeverisur e vetme
Sipas matjeve të Ministrisë së Brendshme dhe Singular Logic, me një shkallë integrimi prej 97.08%, rezultatet janë si më poshtë:
- Demokracia e Re : 40.55%
- SYRIZA : 17.84%
- PASOK : 11.86%
- KKE : 7,67%
- Spartanët : 4.68%
- Zgjidhja greke : 4.45%
- Fitimi : 3.70%
- Lundrim i lirë : 3.17%
Në bazë të rezultateve, vendet janë të shpërndara si më poshtë:
- Demokracia e Re : 158
- SYRIZA : 47
- PASOK : 32
- KKE : 20
- Spartanët : 13
- Zgjidhja greke : 12
- Fitorja : 10
- Lundrimi i Lirisë : 8
Përkundrazi, SYRIZA pati një rënie edhe më të madhe në këto zgjedhje, pasi është pak para 18% (në maj kishte 20.07%). Partia e Ilias Kasidiaris, “Spartiatët”, hyn në Parlament me 13 mandate, ndërsa në fund përqindjen e nevojshme duket se do ta mbledhë partia e Zoi Konstantopoulou, “Pleisi Eleftherias”, si dhe partia “Niki”.
./VOA/
