Zgjedhjet e pjesshme në Rrogozhinë/ Policia merr në ruajtje objektet zgjedhore
Punonjësit e Policisë kanë marrë në ruajtje të gjitha objektet zgjedhore në Rrogozhinë. Ditën e nesërme, të dielën e 23 korrikut do të mbahen zgjedhjet lokale në Rrogozhinë. Burime zyrtare nga policia bëjnë me dije janë ngritur grupet për mbarëvajtjen e procesit zgjedhor si dhe menaxhimin e çdo lloj situate.
Rreth 33 mijë qytetarë të Rrogozhinës janë thirrur sërish në votime nesër. Në garë do të jenë sërish Edison Memolla i Partisë Socialiste dhe Shkëlqim Hoxha i koalicionit opozitar ‘Bashkë Fitojmë’. Ky vendim u dha pasi Kolegji Zgjedhor urdhëroi përsëritjen e zgjedhjeve lokale në Rrogozhinë duke shpallur të pavlefshëm rezultatin e votimeve të 14 majit.
Kutia e burgut të Rrogozhinës u bë shkak për përsëritjen e zgjedhjeve në këtë bashki dhe nesër përtej kërkesës së PS-së, të burgosurit nuk do të votojnë.
