Makina e Presidentit rus Vladimir Putin thuhet se është sul muar. Daily Mail shkruan se sipas një raportimi ende pakonfirmuar se limuzina e presidentit rus pati një shpër thim të fortë në rrotën e saj të përparme të majtë e ndjekur nga tym i dendur. Sipas të njëjtave burime makina e kreut të shtetit rus vijoi rrugën dhe se Putin nuk ka pasur dëmtime, por flitet se ka pasur arrestime të shumta nga shërbimi i tij i sigurisë.
Raportohet gjithashtu se disa nga truprojat janë hequr pas dyshimeve se informacioni sekret për lëvizjet e presidentit 69-vjeçar ishte komprometuar. Të njëjtat lajme i ka konfirmuar edhe një kanal rus në Telegram, “Gjenerali SVR” që poston rregullisht informacione për Putinin që supozohet se janë nga burime të brendshme të Kremlinit.
Më herët i njëjti kanal pretendoi se Putini kishte urdhëruar të dashurën e tij, Alina Kabaeva, 39 vjeç, një ish-gjimnaste olimpike, të bënte një abort, duke çuar në një përkeqësim të marrëdhënieve të tyre. Sipas këtij kanali, ngjarja ndodhi kur Putin po udhëtonte për në rezidencën e tij. Data e saj nuk jepet por theksohet se eskorta ka qenë e mbështetur me forca të shumta.
Këtu përfshiheshin 5 makina të blinduara. Vetë Putini qëndronte në makinën e tretë. “Rrugës për në banesë, disa kilometra më tej, makina e parë e shoqërimit u bllokua nga një ambulancë, makina e dytë e shoqërimit vijoi pa u ndalur dhe duke qenë se kishte hasur në një pengesë të papritur devijoi në momentin e fundit.
Në makinën e Putinit “një zhurmë e fortë nga rrota e përparme e majtë e ndjekur nga tym i madh”. Pavarësisht problemeve me kontrollin e automjetit, makina doli nga skena dhe arriti e sigurt në rezidencë. Më pas, trupi i pajetë i një burri u gjet duke drejtuar [ambulancën], e cila bllokoi makinën e parë të autokolonës” – thuhet në raportim. Duhet thënë se kanali i cili krenohet me burime të brendshme brenda në Kremlin, nuk ofron prova të forta për pretendimet e tij pasi shton se detajet e sulmit të supozuar janë “të klasifikuara”.
“Kreu i truprojës së presidentit dhe disa persona të tjerë janë pezulluar dhe janë dërguar në paraburgim. Për lëvizjen e presidentit e dinin një rreth i ngushtë njerëzish dhe të gjithë ishin nga shërbimi i sigurisë presidenciale. Pas incidentit, 3 prej tyre u zhdukën.
Këta ishin pikërisht njerëzit që ishin në makinën e parë të autokolonës. Fati i tyre aktualisht nuk dihet. Makina me të cilën ata udhëtonin u gjet e zbrazët disa kilometra larg incidentit” – thuhet në raportim. Shumë e konsiderojnë se është një kanal që pasqyroj të vërtetat reale të asaj që ndodh me Rusinë, por megjithatë ka edhe skeptikë për vërtetësinë e burimeve.
