Në javën e tetë të La Liga, Real Madrid fiton 1-0 derbin me Getafen dhe siguroi kryesimin e renditjes, para El Clasico me Barcelonën. Katalanasit janë thirrur ndërkohë në cështje t’i përgjigjen kundër Celta Vigo. Sfidën e vendosi goditja me kokë e Militao (3′), në zhvillimet e një goditje këndi të Modric. Fiton gjithashtu edhe Atletico Madrid. Përfundon 2-1 në Girona me një dygolësh të Correa (5 ‘dhe 48’). Sfida tjetër mes Sevillas dhe Athletic Bilbao përfundon 1-1, me Vesga që iu përgjigj golit të Oliver Torres.
GETAFE-REAL MADRID 0-1
Real Madrid rikthehet te fitorja në La Liga duke fituar 1-0 derbin me Getafe. Një gjë është e sigurt: Ancelotti do të prezantohet në El Clasico me Barcelonën si i pari në renditje. Vetëm apo së bashku me Blaugranat do të varet nga rezultati i të besuarve të Xavi ndaj Celta Vigo. Goli që vendosi ndeshjen u shënua nga Militao në minutën e 3′, me këndin e Modric dhe goditjen me kokë të brazilianit. Duket se kishte nisur monologu i Blancos, por vendsasit rezistuan. Para pushimit, Vinicius fitoi një penallti, por para se të hynte në zonë braziliani nuk arriti të mbante topin në lojë. Sfera kishte kapërcyer vijën anësore dhe VAR anuloi kështu dënimin maksimal për miqtë.
Në pjesën e dytë, megjithatë, Real gjeti dyfishimin me prekjen nën portë të Rodrygo. Edhe ky gol nuk vlen, sepse braziliani ishte nisur në pozicion jashtë loje. Rezultati mbetet kështu 1-0, që mbeti në fuqi deri në bilbilin e trefishtë. Real ngjitet në kuotën e 22 pikëve dhe është i pari në renditje. Tani mbetet të shihet reagimi i Barcelonës dhe nëse katalanasit ia dalin, El Clasico do të dhurojë kreun e La Liga.
