Në Konventën Kombëtare të PL e mbajtur ditën e djeshme ka folur edhe pedagogu i Fakultetit të Ekonomisë Kristian Kina.
Në fjalën e tij Kina ka pohuar ndër të tjera se: Koha më nuk pret!. Prangat e varfërisë, të shantazheve, të intimidimeve personale, të emigrimit të detyruar duhet të thyhen! Po xhanëm,çfarë të keqe i kane bërë shqiptarët Edi Ramës, që ky nuk ngopet duke i vjedhur, duke i varfëruar,duke i larguar e duke i shkatërruar te ardhmen?
Fjala e tij
“Përshëndetje, të nderuar delegate dhe delegatë nga e gjithë Shqiperia !
Duke i uruar sukseset më të mira punimeve të Konventës së I Kombëtqre, më lejoni që fillimisht të shpreh nderin dhe privilegjin që sot të kem këtë fjalë përpara Jush, bashkëqëndrestarëve të dhjetëra e dhjetëra betejave!
Më poshtë keni fjalën e tij të mbajtur në këtë konventë si dhe vidion.
Të dashur vellezër dhe motra!
Koha më nuk pret!
Dita-ditës,familjet tona po zvogëlohen, shqiptarët po i ikin Shqipërisë!
Dita-ditës,shqiptarët po bëhen më të varfër, Rilindja po i vjedh!
Koha me nuk pret!
Prangat e varfërisë, të shantazheve, të intimidimeve personale, të emigrimit të detyruar duhet të thyhen!
Liria duhet të mbizoterojë!
Liria duhet të rikthehet!
Nuk kanë arsye të rinjtë shqiptarë të largohen masivisht nga Shqipëria !
Nuk kanë arsye nënat shqiptare,që çdo ditë të përcjellin me lot në sy fëmijet e tyre!
Shteti ka rënë, miqte e mi!
Të gjithë bashkë në këtë sallë kemi misionin,që të shohim njëri-tjetrin në sy e të japim fjalën, besa- besë,që kur të kthehemi në qytetin ku punojmë, në qytetin ku jetojmë të përhapim fjalën që LIRIA po vjen,qe Shteti i së Drejtes do rimëkëmbet, që SHQIPERIA U PERKET TE RINJVE !
II.
Shumë herë,të gjithë ia kanë bërë këtë pyetje vetes: Vallë,a ka ndjenja kombëtare ky Sekt famëkeq ?
Po xhanëm,çfarë të keqe i kane bërë shqiptarët Edi Ramës, që ky nuk ngopet duke i vjedhur,duke i varfëruar,duke i larguar e duke i shkatërruar te ardhmen?
Çfarë,miqte e mi ?
Asgje!
Asgjë, pervec besimit te gabuar që socialistët e ndershëm i kanë dhënë gjithë këto vite!
Por, tashmë BOLL !
Boll, dreqi ta haje, sepse shqiptaret u lodhen !
Boll, dreqi ta haje, se sot Shqiperia po rrezikon seriozisht ekzistencen e saj si shtet !
E pikërisht nga kjo lodhje,sot po reformohet dhe po bëhet gati për fushëbetejë një formacion i ri politik, thellësisht opozitar me këtë murtajë politike,që do përbëhet nga disa qindra e mijera qëndrestarë në mbarë Shqiperinë, që as nuk shiten e as nuk blihen, as nuk marrin zarfe, as nuk tremben e as nuk intimidohen!
Sot po ndërtohet një alternativë e re politike,që do të ketë në themel te saj RIninë dhe Atdheun !
Pa dashur ta zgjas më tepër,më lejoni, ju lutem, shkurtimisht,që të citoj Winston Churchill, kur në mënyrë brilante ka thënë disa fjalë,qe tingëllojnë kaq aktuale për Shqipërinë sot:
Kur e pyetën: Cili eshte qellimi yne ?
Ai iu pergjigj :
Fitorja!
Fitore me çdo cmim!
Fitore pavaresisht te gjitha tmerreve!
Fitore,sado e veshtire te jete rruga sepse … pa fitore, në këto kushte,nuk ka mbijetesë!
Ejani pra, të ecim tok përpara me të gjithë fuqinë tonë të bashkuar!
Ti themi PO të ardhmes!
Ti themi PO lirisë!
Zoti e bekoftë Shqipërinë!
Zoti i bekoftë Shqiptarët!
Faleminderit ! “
