I arrestuari Jani Rustemi ka ndërruar jetë në QSUT. Rustemi, që ndodhej prej një muaji në koma në spitalin ‘Nënë Tereza’, u arrestua për vjedhjen e një tapeti dhe një palë atlete më 12 prill.
Pas arrestimit, familjarët pretenduan se brenda ambienteve të paraburgimit është ushtruar dhunë ndaj djalit të tyre. Më 30 prill nëna e të riut ka bërë kallëzim në polici mbi rastin. Ndërkohë kujtojmë se i riu shfaqi probleme shëndetësore më 14 prill dhe për herë të dytë më 17 prill, ndërsa u shtrua në spitalin ‘Nënë Tereza’ më 19 prill.
