Mallakastër – Një 60 vjeçar nga fshati Lumar i Mallakastrës ka plagosur veten me armë gjahu aksidentalisht, raporton policia mallakastriote. Pasi ka marr ndihmën e parë mjekësore 60 vjeçari po merr mjekimin në spitalin e Fiert dhe është jasht rrezikut për jetën.
Pasditen e djeshme, në fshatin Lumar, Mallakastër, dyshohet se aksidentalisht është vetëplagosur me një armë gjahu, që e mbante pa leje, shtetasi K. V., 60 vjeç. Ky shtetas është në spital, në kujdesin e mjekëve, jashtë rrezikut për jetën, ndërkaq shërbimet e Policisë kanë sekuestruar në cilësinë e provës materiale, armën e gjahut. Vijojnë hetimet për të dokumentuar ligjërisht rastin.
