Detaje të reja kanë dalë në lidhje me plagosjen e 45-vjeçarit Lorenc Kosta nga efektivi i policisë Erjon Goxhara ditën e sotme. Mësohet se në vendngjarje janë gjetur 6 gëzhoja, ndërkohë që i plagosuri ka marrë vetëm 5 plumba. I plagosuri ndodhet ndodhet në spital, në kujdesin e mjekëve. Grupi hetimor ndodhet në vendngjarje dhe nën drejtimin e Prokurorisë po punon për kapjen e autorit të dyshuar dhe sqarimin e rrethanave të ngjarjes.
Punonjësi i Policisë, Erion Goxhera i cili sipas autoriteteve dyshohet të ketë qëlluar Lorenc Kostën, pak orë nga plagosja vijon ende në arrati.
Burime për Syri bëjnë me dije se Lorenc Kosta, i cili është qëlluar me armë zjarri për motidve të dobëta nga efektivi i Shqiponjave, është Drejtor i Zyrës së Monitorimit të Tregut të Energjisë Elektrike, pranë ERE.
Polici ka qëlluar ndaj zyrtarit të Entit Rregullator të Energjisë pesë herë, ndërsa menjëherë pas ngjarjes është larguar në drejtim të paditur.
Goxhera e kreu plagosjen, pasi dyshohet se Lorenc Kosta, punonjës i ERE i ka ngacmuar partneren.
