Zonja e parë e ardhshme Melania Trump ka lançuar një kriptomonedhë në prag të inaugurimit të bashkëshortit të saj si president i SHBA.
Njoftimi vjen pasi presidenti i sapozgjedhur Donald Trump lançoi kriptomonedhën $Trump. Sipas faqes së internetit të CoinMarketCap, $Trump ka një vlerësim total tregu prej rreth 12 miliardë dollarë (9.8 miliardë £), ndërsa $ Melania qëndron në rreth 1.7 miliardë dollarë.
Trump e kishte quajtur më parë kripto-n “mashtrim”, por gjatë fushatës zgjedhore të vitit 2024 u bë kandidati i parë presidencial që pranoi asete dixhitale si donacione dhe duke premtuar krijimin e një rezervë strategjike në Bitcoin.
Monedha e re Trump u lançua nga CIC Digital LLC, degë e Organizatës Trump, e cila është e lidhur me shitjet e mëparshme të NFT-ve të koleksionueshme kripto, të lançuara në vitin 2022, të cilat bënë miliona dollarë, por që atëherë kanë rënë në mënyrë dramatike në vlerë për pronarët e tyre. Sipas CoinGecko, NFT-të dikur shiteshin për më shumë se 1000 dollarë, por që atëherë kanë rënë në vlerë në rreth 300 dollarë.
