Cher i përgjigjet kritikëve për diferencën 40-vjeçare me partnerin

Cher nuk i kushton rëndësi komenteve për lidhjen e saj me partnerin shumë më të ri në moshë, Alexander “AE” Edwards.

Në një intervistë për “CBS Mornings”, këngëtarja 79-vjeçare u pyet për diferencën e madhe në moshë me producentin 39-vjeçar.

“Punë e made,” – u përgjigj Cher me një buzëqeshje. “Ata nuk po jetojnë jetën time. Askush nuk e di çfarë ndodh mes nesh, por ne kalojmë shumë mirë bashkë.”

Ajo shtoi se mosha nuk ka qenë kurrë problem për ta: “Ai më thotë shpesh: ‘Ti plakesh, por shpirti yt mbetet i ri.’”

Këngëtarja e hitit “Believe” tha se ajo dhe Alexander qeshin gjithë kohën. “E dua shumë,” – tha ajo. “Mendoj që është i bukur dhe tepër i talentuar, ndoshta një nga njerëzit më të talentuar që kam njohur ndonjëherë.”

Deklaratat e saj vijnë vetëm pak javë pasi një dëshmitar i tha Page Six se dyshja dukeshin “shumë të dashuruar” gjatë një eventi në New York, ku Cher shërbeu akulloren e saj të markës “Cherlato.”

Lidhja e tyre ka nisur në nëntor 2022, kur u panë për herë të parë duke u kapur për dore në Los Angeles. Çifti bëri debutimin e tyre në tapetin e kuq në shfaqjen e Versace në mars 2023, duke shkëmbyer puthje para kamerave.

Kjo nuk është hera e parë që Cher reagon ndaj kritikëve. Në vitin 2022, ajo shkroi në X (ish-Twitter):

“Nuk më intereson çfarë mendon askush. Nuk po mbroj lidhjen tonë – urrejtësit do të urrejnë. E rëndësishme është që ne jemi të lumtur.”