“Hajdeni se kam vrarë mamanë”/ Telefonata që alarmoi policinë e Vlorës

Një telefonatë e pazakontë ka alarmuar Policinë e Vlorës mbrëmjen e së mërkurës. Një person ka njoftuar sallën operative, duke u thënë se ka vrarë mamanë.

Menjëherë pas këtij njoftimi, forca të shumta policie, përfshirë “Shqiponjat” dhe strukturat operacionale, janë nisur drejt vendit të dyshuar të ngjarjes.

Por, pas kontrolleve, nuk është konstatuar asnjë rast apo provë për një ngjarje të tillë. Ndërkohë po punohet për sqarimin e plotë të këtij rasti.