Bilanci i zjarrit të pallatit 12 katësh tek ‘Farmacia 10’: Deri tani 14 apartamente të shkrumbuara, flakët ende vijojnë
Bilanci paraprak i zjarrit që përfshiu pallatin 12 katësh pranë QSUT pasditen e sotme.
Gazetari i Syri Tv, Fatjon Gjinaj informon se mbi 14 apartamente janë djegur totalisht deri tani. Flakët vijojnë prej më shumë se 3 orësh. Zjarrfikësit po luftojnë me flakët e katit të pestë, gjashtë, shtatë dhe tetë të këtij pallati.
7 persona po trajtohen në QSUT për shkak të asfiksisë.
2 helikopterë Cougar në mision nga ajri për shuarjen e flakëve.
8 Zjarrfikëse, 6 nga emergjencat dhe 50 persona që përfshin ushtrinë, emergjencat civile etj.
4 Autoambulanca.
Nuk është hera e parë që flakët kanë përfshirë pallatin. Një incident i ngjashëm, edhe pse në përmasa më të vogla ishte regjistruar në vitin 2021, kur gjatë punimeve në godinë mori flakë fasada e ventiluar.
Zjarri ende vijon.
