Aksidenti/ Makina del nga rruga e bie në kanal me ujë, gjen vde*jen shoferi
Lushnje – Aksident ka ndodhur disa minuta më parë në aksin rrugor Lushnje – Fier te rotondo e Kolonjës.
Një mjeti ka dal nga rruga në rrethrrotullimin e Kolonjës dhe ka rënë ne kanalin kullues. Ka gjetur vdekjen drejtuesi i mjetit, Serxhio Gogaj 28 vjeç nga Tirana.
Rrethrrotullimi i Kolonjës në autostradën Fier – Lushnje, një pikë e zezë sa i përket numrit të shumtë të aksidenteve me fatalitete ka marrë një tjetër jetë.
Mëngjesin e sotëm rreth orës 4.30 mjeti tip volzvagen Golf me targa AB 789 RA del nga rruga në rrethrrotullimin e Kolonjës dhe bie ne kanalin kullues.
Policia ne vendngjarje ka thirrur zjarrfikësit e Lushnjes dhe kanë nxjerrë mjetin nga kanali, ndërkohë që policia shkencore po dokumenton ngjarjen.
Dyshohet se drejtuesi ka humbur drejtimin e mjetit për shkak të përgjumjes dhe më pas nga shpejtësia e lartë ka thyer barrierën e hekurt e ka përfunduar në kanalin kullues.
Ekspertiza mjeko ligjore do të përcaktojë shkaqet e vdekjes, a ishte mbytje apo vdekje nga përplasja në aksident.
Trupi i viktimës është përcjellë në morgun e Lushnjes.
Lushnjë/Informacion paraprak
Rreth orës 04:50, në vendin e quajtur “Rotondo e Kolonjës”, shtetasi S. G., 28 vjeç, banues në Tiranë, duke drejtuar automjetin dyshohet se ka humbur kontrollin mbi drejtimin e automjetit dhe për pasojë ka rënë në një kanal me ujë dhe ka ndërruar jetë.
Grupi hetimor po punon për zbardhjen e rrethanave dhe përcaktimin e shkakut të aksidentit.
