Kryetari i PD-së Sali Berisha, gjatë një bashkëbisedimi online me shqiptarët në diasporë, ndër të tjera theksoi edhe se pas marrjes së Presidentit, Partia Socialiste kontrollon 99,9% të pushtetit.
“Dua të sjell para jush disa nga zhvillimet dramatike, të cilat e bëjnë kritike situatën në Shqipëri. E para, pas zgjedhjes së Presidentit, PS ka rikthyer në Shqipëri monizmin e plotë.
Para zgjedhjes së presidentit, nga viti 2013, në të cilën një mazhorancë kishte gjithsej 48% të pushtetit në Shqipëri, në vitin 2020 mazhoranca arrin të ketë 91% të pushtetit në Shqipëri.
Të ketë më shumë seç kishte PPSH në vitin 1991. Dhe pas zgjedhjes së Presidentit të Republikës, kjo përqindje shkon në 99,9%”.
