Sunday, June 16, 2024
spot_imgspot_imgspot_imgspot_img
HomeEKONOMIEksportet bujqësore / Bllofon Rama apo e ka gënjyer Krifca?

Eksportet bujqësore / Bllofon Rama apo e ka gënjyer Krifca?

Kush i ka dëgjuar kritikat e një socialisti të vjetër dhe gjithmonë të inatosur si Erion Braçe ka mbetur sot i habitur, pasi ka parë kryeministin të flasë për suksese të paimagjinueshme në Bujqësi njësoj si në kohën e famshme të parrullave të sigurimit të bukës në vend.

Edi Rama, nga mbledhja informale e qeverisë informoi sot publikun se viti që sapo lamë pas kishte shënuar një rekord në eksportin e produkteve bujqësore. Duke shigjetuar kritikët e politikave të ndjekuara nga qeveria në këtë sektor Rama shkruajti në Facebook: “2022 jo vetëm rekord absolut i eksporteve bujqësore, po edhe realizim i objektivit ambicioz për gjysëm miliardë USD në 78 vende të botës. Por ambicia jonë është të kapim 1 miliardë USD dhe ta bëjmë #Shqipërinë203 kampione të Ballkanit edhe në eksporte bujqësore”.

Ky entuziazëm i kryeministrit nuk përputhet fare me qasjen e ish zëvendësit të tij në qeverinë e shkuar. Gjatë një interpelance në kuvend me ministren Frida Krifca, Erion Braçe kishte pretenduar se bujqësia është në krizë dhe se bujqit dalin me humbje pas çdo investimi të ri që bëjnë si pasojë e rritjes së çmimit të naftës dhe plehrave kimike.  “Ekonomia është rritur, por jo bujqësia. 45 për qind e popullsisë së vendit që ndodhet në fshat duket si e përjashtuar nga rritja ekonomike, kjo është pabarazi. Rritja ekonomike me pabarazinë si kosto është iluzion. Ka arsye pse ndodh kjo. Në bujqësi kanë rëndësi dy elementë, kostot e prodhimit dhe çmimet e produkteve bujqësore”, thoshte deputeti socialist në fillim të këtij viti?

Atëherë kujt i duhet besuar në këtë lojë me suksese dhe dështime? Një sprovë për të skanuar realitetin e euforisë së kryeministrit e ka bërë ish zv ministrja e financave Irena Beqiraj. Duke aluduar se ka gjëra që kryeministrit nuk ia kanë thënë dhe se realiteti nuk shihet dot me dylbitë e ministres Frid Krifca, ish zv/ministrja e zbulon trukun e suksesit të Ramës tek ritja e përbotshme e çmimeve. “Për 11 mujorin çmimet e produkteve buqësore, në Europë (ku ne kryesisht eksportojmë) janë rritur me më shumë se 14 % , ku frutat edhe perimet janë rritur me 25%.

Po të llogarisim indeksin e rritjes se cmimit për portofolin tonë të eksportit kam frikë se rritja e çimimeve e tejkalon 17%, duke e kthyer pamjen përmbys.

Por le të bejmë një llogari të thjeshtë jo te detajuar. Le ti referohemi indeksit te Bankës Botërore , i cili thotë që indeksii cmimeve për produktet buqësore pa perfshirë grurin është rritur 14.9%. Thenë këte rritja reale mesatare e eksportit është ne rastin më të mirë 17%-14.9% = 2.1%” ka kalkuluar Beqiraj në Facebook-un e saj”. E vetmja dilemë që lë hapur ajo lidhet me faktin nëse Rama ka bllofuar me ndërgjegjje, apo ai është mikluar nga shifrat që sheh me dylbi Frifa Krifca.

Pra me llogarinë që bën ajo, duket sikur më tepër të drejtë ka Erion Braçe që flet për krizë në bujqësi sesa kryeministri që propogandon një arritje të rallë. Sipas Irena Beqirajt edhe “në 10 vjeçarin e vetë qeverisë socialiste ka pasur vite ku e ku më te mira për buqësinë”. 

POSTIME TË NGJASHME

LEAVE A REPLY

Please enter your comment!
Please enter your name here

- Advertisment -

NJOFTIME TË NDRYSHME

MË SHUMË LAJME