Akullorja në verë mund të hahet edhe çdo mbrëmje, por me një kujdes…
Si të heqësh dorë nga akullorja gjatë verës? E pamundur! E rëndësishme është ta konsumosh në mënyrën e duhur dhe pa e tepruar. Sipas një sondazhi të fundit, akullorja është “kënaqësia më e preferuar e verës”, sidomos për vendet mesdhetare. Udhëzimet zakonisht sugjerojnë ta konsumosh 2-3 herë në javë, por sipas dietologut dhe fitoterapistit Dr. Ciro Vestita, mund ta konsumosh edhe çdo mbrëmje, duke ndjekur disa rregulla.
Dr. Vestita shpjegon: “Akullorja mund të hahet çdo ditë, në mbrëmje ose pasdite, por më pas duhet bërë një shëtitje për të djegur kalorite shtesë. Kjo mund të bëhet në plazh, në bregdet apo kudo që dëshirohet.” Pra, thelbësore është lëvizja pas konsumit, sepse nuk është domosdoshmërisht e vërtetë që akullorja shton peshë. Nutricionistët gjithmonë theksojnë se asnjë ushqim vetëm nga vetja nuk bën që dikush të marrë peshë; gjithçka varet nga moderimi dhe frekuenca e konsumit.
Gjithashtu, akullorja ndihmon në përmirësimin e humorit, pasi ndikon pozitivisht në prodhimin e serotoninës. Pra, në mënyrën e duhur, mund të hahet pa probleme.
Akullorja nuk duhet të jetë domosdoshmërisht “e rëndë” siç mendohet. Ekzistojnë variante më të lehta, si ato me bazë fruta të freskëta dhe ujë, apo me jogurt grek, që kanë më pak yndyrë dhe sheqer se ato tradicionale. Në përgjithësi, preferohen shijet me fruta, sepse përmbajnë rreth 130 kalori për 100 gram, ndërsa ato me krem arrijnë deri në 200 kalori dhe më shumë, duke qenë më të vështira për t’u djegur.
Një akullore e freskët frutash dhe një shëtitje në mbrëmje mund të përmirësojnë humorin dhe të bëjnë mirë për shëndetin.
