Flakët përparojnë drejt banesave në Jorgucat, era favorizon përhapjen e zjarrit

Dropull – Situatë shqetësuese në Jorgucat të Dropullit, ku zjarri vijon të përhapet me shpejtësi, i favorizuar nga era e fuqishme që ka përfshirë zonën gjatë ditës së sotme.

Flakët po avancojnë në terren dhe po afrohen gjithnjë e më shumë drejt zonave të banuara, duke rritur rrezikun për banesat dhe objektet pranë vatrës së zjarrit.

Era e fortë po e vështirëson ndërhyrjen dhe po favorizon përhapjen e flakëve në drejtime të ndryshme.

Ekipet në terren vijojnë përpjekjet për të izoluar dhe vënë nën kontroll zjarrin, ndërsa situata mbetet dinamike dhe kërkon monitorim të vazhdueshëm.

Banorët e zonës ndodhen nën presionin e flakëve, ndërsa çdo përkeqësim i situatës mund ta çojë zjarrin më pranë banesave.