Kombëtarja e Shqipërisë ka regjistruar fitoren e dytë radhazi në kuadër të kualifikimeve për Kampionatin Evropian “Euro 2024”.
Pasi mposhten Moldavinë tre ditë më parë, të përzgjedhurit e Sylvinhos triumfuan sonte edhe ndaj Ishujve Faroe, shkruan Gazeta Express.
Ndeshja e zhvilluar në stadiumin “Torsvollur” përfundoi me rezultatin 1:3.
Nedim Bajrami (20’), Kristjan Asllani (51’) dhe Ernest Muçi (90+1’) shënuan golat e fitores për Kombëtaren shqiptare.
Ndërkaq, Odmar Faero (45+1’) e shënoi golin e vetëm për vendasit.
Shqipëria pas kësaj fitore ka rrëmbyer edhe pozitën e dytë në Grupin E, që mbahej nga Polonia. Polakët pësuan sonte humbje nga Moldavia.
“Kuqezinjtë” kanë grumbulluar gjashtë pikë pas tri ndeshjeve, vetëm një më pak se Republika e Çekisë, që gjithashtu ka zhvilluar tri ndeshje në grup.
Moldavia, kombëtarja e vetme që ka zhvilluar katër ndeshje në grup, është e treta me pesë pikë.
Polonia pozicionohet e katërta me tri pikë, kurse Ishujt Faroe janë të fundit me vetëm një pikë.
Kujtojmë se dy pozitat e para në grup e sigurojnë pjesëmarrjen në “Euro 2024”, që do të mbahet në Gjermani vitin e ardhshëm
