Hajde për hajr ishallah/ Ramush Haradinaj “dasmori i vitit”, 11 dasma në 2 muaj

Ish-kryeministri i Kosovës dhe njëkohësisht lideri i AAK-së, Ramush Haradinaj del të jetë politikani më i “angazhuar” me dasmat këtë verë në Kosovë, por edhe figura publike që mban një rekord.

Referuar postimeve të bëra në rrjetin social Facebook, nga fillimi i muaj qershor e deri më tani Haradinaj ka qenë i ftuar në të paktën 11 dasma të zhvilluara në Kosovë.

Nga fotot e publikuara shihet se Haradinaj është një mysafir i respektuar pasi shpesh është fotografuar me çiftin, ku i ka uruar për martesën dhe nuk kanë munguar dhuratat nga ana e tij.