Menjëherë sapo dolën rezultatet paraprake që treguan humbjen e thellë të Milo Gjukanoviç në shumë qytete të Malit të Zi nisi festa. Festa filloi nga mbështetësit e kandidatit Jakov Milatoviç që triumfoi në balotazhin e zgjedhjeve Presidenciale të së dielës me mbi 60% të votave.
Përkrahësit e Milatoviçit u mblodhën para selisë së partisë së tyre në Podgoricë duke kënfuar: “Hidh ujë të ftohtë si shi, Milo ik Milo ik”.
Sipas të dhënave nga Qendra për Monitorim dhe Hulumtim (CeMI) dhe Qendra për Tranzicion Demokratik (CDT), Milatoviç fitoi bindshëm kundër kandidatit të Partisë Demokratike të Socialistëve (DPS) Milo Gjukanoviq në raundin e dytë të zgjedhjeve presidenciale.
