Trajnerët kanë një rol të rëndësishëm në skuadrat e tyre, dhe mentaliteti që ata kanë shpesh herë ndikon shumë dhe te futbollistët. Në vitet e fundit jemi mësuar të flasim shpesh për disa strategë më shumë se të tjerët. Një pyetje që shtrohet shpesh është: Kush janë trajnerët më fitues në histori?
Në vendin e parë qëndron Alex Ferguson, i cili ka fituar plotë 48 trofe në karrierën për klube, teksa ka drejtuar dy skuadra: Aberdeen dhe Manchester United. Skuadrën skoceze e ka drejtuar në 47 ndeshje, ndërkohë që Manchester United plotë 1321 ndeshje. Skocezi ka në palmaresin e tij plotë 48 trofe, më shumë se të gjithë të tjerët.
Në vendin e dytë qëndron Pep Guardiola, i cili ka fituar 32 trofe, por me tri skuadra të ndryshme: Barcelona, Bayern dhe Manchester City. Në podin e strategëve më fitues qëndron Jose Mourinho me 26 trofe, por me 6 skuadra të ndryshme, e fundit Conference League në Tiranë me Romën.
Në vendin e katërt qëndron Carlo Ancelotti. Mbreti i Championsve, ka fitua 23 trofe me 6 skuadra të mëdha europiane, duke filluar me Juventusin dhe Milanin dhe duke përfunduar me Realin. /Koha Jonë/
