Liverpool është rikthyer në rrugën e fitoreve, duke mposhtur mbrëmjen e sotme Newcastle United në shifrat 2-0.
Skuadra e Klopp e zgjidhi ndeshjen që në fillim me dy gola të shpejtë në minutën e 10-të dhe 17-të me Nunez dhe Gakpo për të siguruar 3 pikë tepër të vyera në “luftën” për 1 biletë të zonës Champions, për sezonin e ardhshëm.
Liverpool përfitoi dhe nga gabimi i portierit Nick Pope, i cili doli nga fusha pas 22 minutash me karton të kuq. Me këtë fitore Liverpool ngjitet në vendin e 8-të, në renditje me vetëm 35 pikës, ndërsa Newcastle është ende i pozicionuar në vendin e 4-t, me 41 pikë.
