Ish-zonja e Parë e SHBA-ve, Michelle Obama, është gjithmonë në qendër të vëmëndjes. Ajo ka nisur një turne për promovimin e librave dhe si gjithmonë zgjedhjet e saj në stil po zënë titujt kryesorë në media.
Të martën, në Atlanta, ajo doli në skenën e Fox Theatre me një xhaketë me ngjyra Roksanda x Fila dhe pantallona të zeza me bel të lartë. Obama e kompletoi look-un e saj me çizmet e zeza me majë ndërsa kishte guxuar po ashtu edhe me modelin e flokëve.
Veshja i shtohet një liste në rritje të stilit që ajo ka zgjedhur të ndjekë gjatë promovimit të librit të saj të tretë, “The Light We Carry”, i cili reflekton se si ajo është përballur me marrëdhënie të ndryshme, dyshimet rreth vetes dhe ankthin gjatë periudhave të pasigurta.
