Fillon konferenca për shtyp mes Donald Trump dhe Vladimir Putin
Ka filluar në këto momente konferenca për shtyp mes Donald Trump dhe Vladimir Putin pas takimit që zgjati rreth 3 orë.
Ata po flasin për gazetarët amerikanë dhe rusë që ndodhen në Alaska.
“Të gjitha opsionet mbeten në tryezë”. Kjo është ajo që zyrtarët amerikanë i thanë CNN pasi Presidenti i SHBA-ve Donald Trump dhe Presidenti rus Vladimir Putin mbajtën një takim mbi luftën në Ukrainë.
Ndërsa pala ruse ka shpërndarë sinjale pozitive pas takimit. I dërguari rus Kirill Dmitriev i tha agjencisë së lajmeve Interfax se takimi Trump-Putin kishte shkuar “jashtëzakonisht mirë”.
Në imazhet e shpërndara në Telegram nga media të tjera ruse, Dmitriev shihet gjithashtu duke buzëqeshur gjerësisht dhe duke u ulur në sallën e konferencës për shtyp.
I pyetur për më shumë detaje, ai iu shmang pyetjeve, por i tha një korrespondenti për median Rossiya 24: “Vetëm pas pak sekondash do të mësojmë gjithçka rreth kësaj.”
Takimi u zhvillua për më shumë se dy orë.
Kremlini njoftoi i pari se bisedimet midis Vladimir Putin dhe Donald Trump, në të cilat morën pjesë vetëm dy këshilltarë nga secila palë, kanë përfunduar.
