Në një komunikim për mediat nga Korça, ministri i Mbrojtjes, Niko Peleshi tha se në orët në orët në vijim të ditës së sotme dhe nesër priten reshje të dendura shiu.
Sipas Peleshit, këto reshje mund të shkaktojnë edhe përmbytje në disa zona.
“Duke filluar nga sot pas mesditës në pjesën kryesisht veriperëndimore të vendit, duke u përhapur në pjesën tjetër të vendit, do të kemi shtim të reshjeve, me intensitet mesatar dhe deri diku të lartë.
Po e bëj këtë komunikim për të shmangur emergjencat që mund të jenë deri diku dhe lokale. Jemi në një stinë që nuk favorizon përmbytjet, një lajm i mirë është menaxhimi i kaskadës që nuk do të ketë nevojë për shkarkim, e cila ndodh vetëm kur kemi reshje me intensitet të lartë dhe kur jemi të detyruar të bëjmë shkarkime të detyruara në të gjithë kaskadat e Drinit, Fierzës dhe Komanit”, tha Peleshi.
Megjithatë, Peleshi u shpreh se shkarkimet do të jenë zero në të gjithë territorin
