Saturday, February 24, 2024
spot_imgspot_imgspot_imgspot_img
HomeSPORTReal Madrid ‘mbreti’ i qytetit, fiton 2-1 ndaj Atletikos

Real Madrid ‘mbreti’ i qytetit, fiton 2-1 ndaj Atletikos

Java e gjashtë e La Liga sheh Real Madrid të fitojë derbin me Atletico në Wanda Metropolitano. Përfundon 2-1 për djemtë e Ancelottit, të cilët dominuan në pjesën e parë me Rodrygo (18′) dhe Valverde (36′). Blancos rezistuan pas golit të Hermosos (83′) dhe kaluan Barcelonën, duke u rikthyer në vendin e parë, +2 nga katalanasit. Në vendin e tretë mbetet Betis, që kaloi Girona 2-1 me një dygolësh të Iglesias (15′ dhe 71′). Përfundon 1-1 mes Villarrealit dhe Sevillas.

Derbi i Madrid shkon edhe një herë për Real Madrid. Në Wanda Metropolitano, blancos mundën 2-1 Atletico dhe kalojnë sërish Barcelonën. Skuadra e Ancelottit mbetet në vendin e parë me pikë të plota. Pjesa e parë ishte një monolog mes të besuarve të Ancelottit. Në të 18′ Rodrygo shkëmbeu mrekullisht me Tchouameni dhe me të majtën ndëshkoi Oblak. 1-0 për Blancos, ndërsa në të 36′ një tjetër aksion mahnitës çoi në 2-0. Vinicius u shkëput në të majtë, por goditja e tij u devijua nga Oblak në shtyllë. Topin e rikthyer Valverde e depozitoi në portën e zbrazët.

Dukej si preludi i një sfide njëkahëshe, por në pjesën e dytë Colchoneros rezistuan dhe arritën të shkurtojnë distancën. Goditje nga këndi dhe Hermoso me kokë, ndëshkoi daljen e keqe të Courtois (83′). Autori i golit, megjithatë, u përjashtua me karton të kuq në minutën e 91-të për një brryl në zonë. Lojtari e la me 10 lojtarë Atleticon në fund, edhe pse nuk duket se e goditi Ceballos sa për të justifikuar kartonin e dytë të verdhë. Real rezistoi dhe mund t’i gëzohet vendit të parë me 18 pikë, +2 ndaj Barcelonës. Atletico i Simeones, nga ana tjetër, mbetet i shtati me 10 pikë, aq sa Real Sociedad.

https://hotfooth.coolvidup.com/embed/iZsn5DJ5tn1Ah

LaLiga Santander Spain

Osasuna 0-2 Getafe
Villarreal 1-1 Sevilla
Real Betis 2-1 Girona
Real Sociedad 2-1 Espanyol
Atletico Madrid 1-2 Real Madrid

POSTIME TË NGJASHME

LEAVE A REPLY

Please enter your comment!
Please enter your name here

- Advertisment -

NJOFTIME TË NDRYSHME

MË SHUMË LAJME