Receta të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00.
Sallatë e freskët verore me shalqi
Përbërësit:
300 gr shalqi
50 gr djathë të bardhë
150 gr kastravec
10 gjethe mente
10 kokrra ullinj
Vaj ulliri
Lëng limoni
Kripë, piper
Përgatitja:
Nga një shalqi ndajmë gjysmën dhe e presim në kubikë të vegjël ose me lugë në forma të rrumbullakëta. Presim kastravecin dhe djathin e bardhë në kubikë dhe i vendosim përbërësit në një sallatiere duke shtuar ullinjtë dhe gjethet e mentes. E marinojmë sallatën me pak vaj ulliri, lëng limoni, kripë dhe piper.
