Sheshet e Prishtinës janë mbushur me numër të madh të qytetarëve nga e gjithë Kosova për të marshuar për drejtësi.
Marshit po i prijnë familjarët e ish-krerëve të UÇK-së të cilët ndodhen në Hagë. Si bashkëshortja e ish-presidentit Thaçi me djalë, bashkëshortja e ish-kreut të Kuvendit Veseli me vajzë etj.
Si kurrë më parë, Prishtina është mbushur nga qytetarët në marshin për drejtësi.
Aty vazhdimisht po brohoritin qytetarët emrat e ish-liderëve që po mbahen në Hagë.
![](https://www.gazetaexpress.com/wp-content/uploads/2023/04/339343834_6076189015806158_7150368987657596850_n-800x600-1.jpg)
![](https://www.gazetaexpress.com/wp-content/uploads/2023/04/339330672_106319062418138_3439033056995682724_n-800x600-1.jpg)
![](https://www.gazetaexpress.com/wp-content/uploads/2023/04/339324482_169482405963118_844757148763402775_n-800x600-1.jpg)
Që nga mëngjesi, shumë autobusë janë nisur nga qytete tjera për të ardhur në kryeqytet për të marrë pjesë në këtë marsh.
Kujtojmë që Marshi i Drejtësisë po mbahet një ditë para nisjes së gjykimit kundër ish-krerëve lartë të ish-Ushtrisë Çlirimtare të Kosovës (UÇK): Hashim Thaçi, Kadri Veseli, Jakup Krasniqi dhe Rexhep Selimi.