Ushqimet dhe zakonet që ndihmojnë trurin të jetë më i gëzuar

Serotonina është një nga substancat më të rëndësishme në trupin tonë, e njohur si “neurotransmetuesi i lumturisë”. Ajo ndikon drejtpërdrejt në emocionet, përqendrimin, gjumin dhe aftësitë motorike, dhe prodhohet nga trupi përmes përpunimit të aminoacidit esencial triptofan, i cili merret me ushqim.

Sipas ekspertëve, mungesa e triptofanit mund të çojë në uljen e niveleve të serotoninës – çka lidhet me probleme si ankthi, depresioni dhe çrregullime të tjera të humorit.

Ja disa mënyra natyrale për të rritur serotoninë në mënyrë të qëndrueshme:

Konsumoni ushqime të pasura me triptofan:

• Vezët – përmbajnë aminoacide thelbësore, përfshirë triptofanin dhe omega-3.
• Ananasi – i pasur me triptofan dhe bromelainë, një enzimë me efekte anti-inflamatore.
• Djathi – ndikon pozitivisht në gjendjen shpirtërore sipas disa studimeve.
• Bananet – përveç kaliumit, janë një burim i mirë triptofani.
• Salmoni – përmban triptofan dhe yndyrna të shëndetshme omega-3.
• Gjeli i detit – një burim klasik triptofani.
• Fruta të thata dhe arra – alternativa ideale ndaj ushqimeve jo të shëndetshme.

Rregulloni stilin e jetës:

• Qëndroni të hidratuar – uji ndihmon trurin të funksionojë optimalisht.
• Ushtroni rregullisht – aktiviteti fizik stimulon lirimin e triptofanit dhe endorfinës.
• Merrni rreze dielli – drita natyrale përmirëson prodhimin e serotoninës.
• Kujdesuni për sistemin tretës – shmangni ushqimet e përpunuara që dëmtojnë shëndetin e zorrëve.

Nëse ndiheni vazhdimisht të lodhur emocionalisht, edhe pse i zbatoni këto këshilla, mos hezitoni të konsultoheni me mjekun. Një terapi e përshtatur mund të bëjë ndryshimin që kërkoni.