Nje nga surprizat me te bukura te Apolonise ne sezonin e ri eshte edhe grumbullimi me ekipin e pare te portierit te talentuar, 16 vjecarit Henri Bega. Henri, djali i një avokati të njohur në Fier i cili e ka ndjekur djalin që në seancat e para sportive me ekipet e fëmijëve e deri tashmë që luan me të rrutur. Henri është nip në Mallakastër, pra “ka nervin” e mallakastriotit për të ruajtur portën,
“fierisot” i mori nje interviste Henrit, ku e pyetem per te zbuluar sa me shume per portierin e talentuar fierak.
Përshëndetje, Henri! Si ndihesh që je vetëm 16 vjeç dhe je përzgjedhur për të luajtur me ekipin e parë të futbollit të Apolonisë?
Henri Bega: Përshëndetje! Është një ndjesi shumë e veçantë që iu bashkova ekipit të parë të Apolonisë. Është një mundësi e mrekullueshme për mua, dhe jam shumë krenar që jam pjesë e kësaj skuadre. Në fillim ishte e vështirë të besoja se kjo po ndodhte, por tani jam plotësisht i gatshëm të jap maksimumin tim dhe të kontribuoj për ekipin e qytetit tim.
Si arrite deri te ekipi i parë i Apolonisë ?
Henri Bega: Pasioni për të bërë portieri ka lindur që në moshë të vogël. Kur luaja me shokët e mi në lagje, unë gjithmonë luaja rolin e portierit. Kam pasion të madh për këtë rol, dhe vazhdimisht kam punuar për të zhvilluar aftësitë e mia. Pasiguria dhe sfidat që ofron roli i portierit më kanë bërë të vazhdoj të punoj fort. Jam trajnuar prej vitesh te Apolonia dhe ndihem shumë mirë që trajnerët e akademisë kanë vërejtur talentin tim dhe më kanë ofruar këtë mundësi.
Ke provuar fatin në Greqi dhe je pëlqyer nga klubet e njohura si PAOK. Pse vendose të ktheheshe te Apolonia?
Henri Bega: Po, është e vërtetë që kam pasur një eksperiencë në Greqi dhe i kam pëlqyer disa klubeve te njohura si PAOK. Por vendosa të kthehem në Shqipëri për disa arsye të veçanta. Familja dhe shkolla janë faktorë të rëndësishëm për mua, dhe vendosa të qëndroj këtu për të qëndruar afër tyre. Përveç kësaj, Apolonia është një klub i rëndësishëm në kampionatin shqiptar, dhe kam shumë dëshirë për të kontribuuar në këtë skuadër.
Si do ta përshkruaje stilin tënd si portier dhe cilat janë cilësitë që të japin kënaqësi në lojën tënde?
Henri Bega: Si portier, unë preferoj të jem agresiv dhe i vendosur në fushë. Nuk kam frikë nga sfidat dhe gjithmonë jap maksimumin tim për të ndaluar topat dhe për të mbrojtur portën time. Cilësitë e mia si portier përfshijnë lartësinë dhe shpejtësinë time, si dhe aftësinë për të lexuar lojën dhe për të parashikuar levizjet e kundërshtarëve. Më pëlqen të jap shpirtin për ekipin tim. Njëra nga kënaqësitë më të mëdha gjatë një ndeshjeje është kur mund të shpëtoj një situatë të vështirë dhe të ndihmoj ekipin tim të fitojë.
Çfarë synoni në këtë sezon?
Henri Bega: Synoj të përmirësoj performancën time dhe duke shpresuar të aktivizohem në sa më shumë ndeshje të ndihmoj ekipin të arrijë rezultate pozitive.
Cilat janë synimet e tua në të ardhmen?
Henri Bega: Synimi im është të bëhem një portier i suksesshëm dhe do të jap gjithçka për të arritur të luaj për një klub të madh në Europë. Dëshira ime më e madhe është të luaj me flamurin shqiptar dhe të bëhem pjesë e kombëtares shqiptare. Unë do të punoj fort për të bërë këto ëndrra realitet.
Faleminderit shumë për kohën tuaj dhe suksese të mëdha në karrierën tuaj futbollistike!
Henri Bega: Ju faleminderit për ftesën dhe interesimin tuaj! . Faleminderit për përkrahjen dhe të gjitha urimet.
