Cristiano Ronaldo është në përpjekjet e fundit për të gjetur një skuadër të re për sezonin e ri, pasi te Manchester United nuk e duan më. Gazetari Jacobs Ben shkruan në Twitter se opsioni i vetëm për portugezin është vetëm skuadra e Borussia Dortmund.
Sëmundja e rëndë e Haller ka bërë që verdhezinjtë të kërkojnë një opsion të bujshëm për sulmin. Ronaldo në fakt fiton më shumë se 20 milionë euro në sezon, një shifër e papërballueshme për klubin gjerman.
Gjithsesi CR7 nëpërmjet agjentit të tij Jorge Mendes mund të mendojë një ulje të ndjeshme të saj. Afrimi i tij do ta bënte Bundesligën edhe më interesante.
