Në “El Clasico”-n numër 253 në histori triumfon Barcelona. “Blaugranat” fiton 2-1 në “Camp Nou” përballë rivalit historik, duke hipotekuar titullin kampion, pasi diferenca me “Los Blancos” shkon 12 pikë.
Fati nuk do ishte me katalanasit në minutën e nëntë pasi Araujo do realizonte autogol. Ekipi i Xavit do të gjente golin e barazimit me Sergi Roberto.
Pjesa e dytë do ishte emocionuese dhe me mundësi shënimi. Los Blancos gëzojnë pas golit të Asensios në minutën e 81-të, por VAR e anulon për Offside.
Atëherë kur nuk pritej, në fund, Barcelona merr 3 pikët falë golit të Kessie.
BARCELONA-REAL MADRID 2-1
9’ 0-1 Reali gjen shumë shpejt golin e avantazhit. Pas një aksioni të Vinicius Junior nga krahu i majtë, ky i fundit tenton të krosojë, por Araujo e ndihmon duke e dërguar topin në kuadratin e portës së tij.
45’ 1-1 Pas një aksioni të gjatë, ku disa lojtarë tentuan të godisnin, Sergi Roberto është në kohën dhe në vendin e duhur për ta dërguar topin në cepin e portës. Asnjë shans reagimi për Courtois.
92’ 2-1 Barcelona ka arritur që të gjejë golin e avantazhit në kohën shtesë. Lewandowski jep një pasim magjik për Balde, i cili shërbeu asist në zonë për Kessie. Ky i fundi bën gjithçka mirë brenda zonës.
