Tensionet janë rritur në dhomën e zhveshjes së Francës pas vendimit të Didier Deschamps. Tekniku emëroi Kylian Mbappé si kapitenin e ri të ekipit, për të zëvendësuar portierin Hugo Lloris, i tërhequr nga kombëtarja. Zgjedhja e trajnerit, në fakt, ka shpërthyer zemërimin dhe shembi pritshmëritë e Antoine Griezmann. Sulmuesi është i pesti në renditjen e të gjitha kohërave të lojtarëve francezë me më shumë paraqitje (117) me fanellën e Les Bleus. Sipas asaj që filtron nga grumbullimi francez, mes sulmuesit të Atletico Madrid dhe Deschamps ka patur një debat të ashpër. Madje, lojtari ka kërcënuar se do të largohej nga “Gjelat”.
Pas sherreve, skandaleve seksuale, lamtumirëve të detyruara, akordeve mes lojtarëve, shkarkimeve, grindjeve jashtë fushës e deri në dyshimet për mallkime me “magjistarët”, një tjetër cështje pështjellon Francën. Në dhomat e zhveshjes tani ka shpërthyer çështja Mbappe. Zgjedhja e trajnerit për t’ia caktuar shiritin e kapitenit yllit të PSG-së nuk i pëlqeu veçanërisht Griezmann. Por “Le Petit Diable” nuk është i vetmi lojtar që nuk pajtohet me vendimin e Deschamps.
Për shkak të kohëzgjatjes së shërbimit të tij, supozohej se Griezmann do të ishte kapiteni i ri. Pikërisht për këtë arsye lojtari dhe trajneri kanë diskutuar dje në Clairefontaine, ku skuadra ndodhet për t’u përgatitur për ndeshjet kualifikuese të Euro 2024 kundër Holandës dhe Irlandës së Veriut. Një përballje e ndezur me sa duket, me pasoja të pashmangshme në qetësinë e grupit dhe konsiderata për të ardhmen e Deschamps.
DESCHAMPS NË SHËNJESTËR EDHE MË PARË
Në të kaluarën, menaxhimi i dhomës së zhveshjes nga Deschamps ishte akuzuar disa herë. Rasti më i bujshëm ishte sherri me Karim Benzema. Sulmuesi i Real Madrid, në fakt, u përjashtua nga Kupa e Botës në Katar pikërisht nga trajneri, pas dëmtimit të lojtarit. Fituesi i Topit të Artë në mënyrë kontroverse i dha lamtumirën “Gjelave” kur vetë Deschamps tha në një intervistë se ishte Benzema ai që tha se nuk mund të merrte pjesë. Duket se një pjesë e dhomës së zhveshjes nuk e donte Benzema, i cili – i përjashtuar nga Blutë për gjashtë vjet për shkak të një skandali seksual – nuk ishte pjesë e kampionëve të botës “Rusi 2018”.
EDHE PAVARD E PËSOI…
Nga ana tjetër, gjërat nuk shkuan më mirë për Benjamin Pavard. Mbrojtësi i Bayern Mynih në Katar u akuzua nga bashkëlojtarët dhe trajneri i tij se ishte një “spiun” i shtypit në dhomat e zhveshjes. E, pas vetëm një ndeshje si titullar, ai nuk u kthye kurrë në fushë. Vetë Pavard kishte qenë protagonist i përplasjeve në vitin 2021. Fillimisht akuzat për mungesë angazhimi nga Raphael Varane. Pastaj një debat i dhunshëm me Paul Pogba pas eliminimit nga Zvicra në kampionatin europian. Një debat i përsëritur në tribunë me ndërhyrjen e mamasë së Adrien Rabiot ndaj prindërve të Pogba dhe Mbappe’. Vetë Pogba është akuzuar se kishte punësuar një magjistar për një “mallkim” kundër Mbappe’. Asgjë nuk shkon mirë te Franca.
