Kate Middleton është e famshme edhe për shijen e saj në veshje dhe bizhuteri. Ajo është fotografuar me disa nga bizhuteritë më të bukura në botë që kur u bë Dukesha e Kembrixhit.
Gjithçka filloi me unazën e saj të famshme të fejesës prej safiri, e cila dikur i përkiste vjehrrës së saj të ndjerë, princeshës Diana.
Që atëherë, bizhuteritë madhështore kanë hyrë në koleksionin privat të Kate, disa nga koleksioni i vjetër i Dianës dhe të tjera të huazuara ose dhuruara nga Mbretëresha Elizabeth.
Duke marrë parasysh rëndësinë e shumë prej këtyre pjesëve, përfshirë unazat, vathët, gjerdanët dhe byzylykët, shumë shpesh pyesin se sa vlen koleksioni i bizhuterive të Kate.
Sipas librit “How To Dress Like A Princess: The Secrets Of Kate’s Gardrobe” nga Claudia Joseph, bizhuteritë në pronësi të Dukeshës së Kembrixhit vlejnë rreth 600 mijë paund.
Megjithatë, duke marrë parasysh edhe pjesët e panumërta të Koleksionit Mbretëror nga Kate, të vëna në ngjarje zyrtare, vlera aktuale është e paçmueshme.
Por nëse do të donim vërtet të flisnim për shifra më të sakta, Kate trashëgoi gjashtë pjesë të çmuara nga koleksioni privat i Princeshës Diana për një vlerë totale prej 16.5 milionë paund. Këto përfshijnë unazën e saj të fejesës prej safiri, vathët Suite Saudite, diademën me nyjë të dashuruar, byzylyk me perla me tre fije, vathë Collingwood dhe vathë me perla të Detit të Jugut.
Mbretëresha Elizabeth gjithashtu i dha personalisht Kate 10 copë, për një vlerë totale prej 61.8 milionë paund.
Natyrisht, jo të gjitha bizhuteritë që mban Dukesha vlejnë mijëra e mijëra euro. Kate në fakt është e famshme për veshjen e markave me kosto të ulët, si në veshje ashtu edhe në aksesorë.
Me kalimin e viteve, ajo ka mbajtur gjëra të thejshta, si një gjerdan 20 euro nga Zara dhe ka një palë vathë 8 euro nga Accessorize.
Natyrisht, pjesët më mahnitëse në koleksionin e saj janë artikujt më luksozë./A2CNN
