Ju ndoshta keni dëgjuar se ushqimi që hani mund të ndikojë në trurin tuaj me kalimin e kohës. Disa ushqime mund të dëmtojnë kujtesën tuaj dhe të rrisin rrezikun e çrregullimeve neurodegjenerative, ndërsa të tjera mund të ndihmojnë në parandalimin e dëmtimit kognitiv.
Një studim i ri zbulon se boronicat mund të ndihmojnë në mbajtjen e trurit të pastër dhe të aftë ndërsa plakeni.
Në një studim të botuar në revistën Frontiers in Nutrition , studiuesit ekzaminuan një grup prej 60 të rriturish të moshës 50 deri në 80 vjeç gjatë një periudhe 12-javore duke plotësuar disa nga planet e tyre dietike me pluhur boronicë.
Bazuar në vlerësimet njohëse të bëra para dhe pas atyre 12 javëve, u përcaktua se njerëzit që konsumuan boronicë kishin memorie episodike dhe funksionim nervor më të mirë.
Autori i studimit, dr. David Vazoar, tha se, megjithëse rezultatet e këtij studimi janë premtuese, nuk është e qartë nëse fruti mund të ndihmojë në mbrojtjen kundër sëmundjeve serioze neurologjike.
Përveç faktit që boronicat mund të jenë të mira për mendjen, ndryshimi më i mirë që mund të bëni për të qëndruar mendjemprehtë kur bëhet fjalë për zgjedhjet e ushqimit është të vëzhgoni dietën tuaj në tërësi. Rekomandohet të konsumoni disa porcione frutash në ditë, veçanërisht manaferrat.
Dr. Paul Goodman rekomandon dietën “MIND”, e cila kombinon elementë të dietës mesdhetare me elemente dietike për të luftuar hipertensionin.
Natyrisht, është joreale të besosh se papritmas do të ndryshoni plotësisht dietën tuaj. Ekspertët ju këshillojnë të shkoni gradualisht, hap pas hapi.
