Si të bëni një oazë të gjelbër në mes të një xhungle betoni? Kompania e arkitekturës njujorkeze “ODA” beson se në vetë objektin duhet të vendosen sipërfaqe të gjelbra.
Kjo është arsyeja pse ata projektuan pamjen e këtij rrokaqiell, i cili shtrihet në 45 kate, dhe ka një “vrimë” të gjelbër në mes.
Vrima në strukturë quhet kopshti qiellor dhe quhet “Cheong-Dama”, dhe do të mbushet me lule, pemë dhe bimë. Atë hapësirëprivate mund ta shijojnë banorët e rrokaqiellit dhe njerëzit që punojnë në të.
Rrokaqielli i Seulit duhet të ndahet në dy pjesë, pjesa e sipërme mbi kopsht duhet të rezervohet për hapësira banimi, dhe katet poshtë tij për zyra biznesi. Në këmbët e rrokaqiellit duhet të jetë një park publik i aksesueshëm për të gjithë dhe dyqane të ndryshme.
ODA bashkëpunoi me Index dhe Heerim për konceptin, i cili thirret në ndjeshmërinë artistike të qytetarëve të Seulit dhe forcon lidhjen midis banorëve, mjedisit dhe natyrës.
Nuk dihet ende se kur do të nisë ndërtimi dhe nëse do të ndërtohet fare ky rrokaqiell, por nëse ndodh, me siguri do të bëhet një shenjë e dallueshme në panoramën e kryeqytetit të Koresë së Jugut.
